Хәбәрләр

«Сәнгать аша – Җиңүгә!» – «Камалышта яңгыраган симфония»

1942 елның язында язылган хаттагы «өзелгән» җөмләләрнең берсе гаҗәеп: «Ленинградта гадәти тормыш дәвам итә диярлек, трамвайлар йөри, радио, телефоннар эшли. Кичә һәм бүген шәһәргә зур артиллерия һөҗүме булды...

1942 елның 9 августында блокададагы Ленинградта Д. Д. Шостаковичның Җиденче Ленинград симфониясе башкарыла. Симфониянең өч өлешен композитор туган шәһәрендә, эвакуацияләнер алдыннан яза башлый, Куйбышевта тәмамлый.

1942 елның июль башында җиденче симфония партитурасы язылган дүрт зур нота дәфтәре камалышта калган шәһәргә китерелә. Озакламый Ленинград урамнарында «Дирижёр Элиасберг музыкантлар җыя»дигән белдерүләр пәйда була. 1941елның коточкыч кышыннан соң оркестрда 15 кенә кеше калган, ә симфонияне башкару өчен йөздән артык музыкант таләп ителгән.

Ленинградта Д.Д. Шостаковичның Җиденче симфониясен башкаруда Җәүдәт Кәрәмәтулла улы Айдаров (1918-2000) та катнаша. Аның үги улы Надим Айдаров белән хәбәрчебез әңгәмә корды.