Ришат Төхвәтуллин өйләнмәвенең сәбәбен әйтте

Ришат Төхвәтуллинны инде күптәннән берничә тапкыр «өйләндереп» куйдылар. Артист үзе исә бүгенге көндә өйләнергә уйламыйда икән.

Ниһаять, өйләнү темасына Ришат ачыклык кертте. Артист инстаграм сәхифәсендә әлеге теманы күтәрде. «Соңгы вакытта сез никтер мине миннән башка гына өйләндереп куя башладыгыз. Минем турында кайгыртуыгыз өчен зур рәхмәт! Ләкин, руслар әйтмешли, «пир во время чумы» ясап ятып булмый бит инде. Әгәр өйләнергә уйласам, бу шатлыклы хәбәрне, һичшиксез, сез беренче беләчәксез», – дип белдерә Ришат.

«Ришат, энем, бу илдә то кризис, то чума, то коронавирус. Алар беткәнне көтсәң, гел өйләнә алмассың», «Озакка сузма инде, Ришат. Сине яраткан тамашачылар шул шатлыклы хәбәрне котә», «Өйлән инде Ришат, әллә нинди сүзләр йөри башлады, сезнең турында бер начар сүз әйттерәсе килми шул», дип фото астында язалар.