Камал театры 119 нчы театраль сезонны яңа бинада япты!

Быел да нәкъ шулай ук... дияр идек, әмма театрның иске бинасында әле спектакльләр уйналачак икән һәм 6 нчы июль "Гөргөри кияүләре" спектакле белән бу театр сезоны тәгаен ябыла, дисәк тә буладыр. Бу хакта "Зәңгәр шәл" башланганчы сәхнә алдына чыгып Татарстанның атказанган артисты Фәнис Җиһанша хәбәр итте. Шулай ук, быел Фәрит Бикчәнтәев курсын тәмамлаган 14 студент театр труппасына алынуны да әйтте. Киләсе театраль сезон юбилей сезоны була - Татар театры тууга 120 ел тула. Шуңа өстәп, Кәрим Тинчурин һәм Салих Сәйдәшев иҗат иткән музыкаль драма "Зәңгәр шәл"нең дә 100 еллыгы билгеләп үтеләчәк.