«Хәле дә начар...» - Әнвәр Нургалиев халыкны борчуга салды

Популяр җырчы Әнвәр Нургалиев гаиләсендә күңелсез хәл, артистның әнисе кинәт авырып китеп, хастаханәгә эләккән. Бу хакта Әнвәр Нургалиев үзенең Инстаграм социаль челтәрендә хәбәр итә. Гастроль концертларыннан арынган арада җырчы газиз әнисенең хәлен белергә дип хастаханәгә килгән.

«Картайма әле, Әнкәй, картайма әле, безнең әле гөрләп яшисееее... Мәскәүдән кайту белән Әнием янына больницага чаптым, аяклары йөрми, хәле дә начар (Мине күрү белән йөзләре ачылып китте. Сызланган килеш тә елмаерга тырыша «Тагы мине төшерә карточкага», – ди, шаяртырга да тырыша. Хәзер үкенәм ешрак кайтмаганыма», – дип язган артист Инстаграм тасмасында.