Гүзәл Уразова тамашачыларын туган көн белән котлый

Февраль ахыры якынлашкан саен барыбызның да башында туган беренче фикер, әлбәттә – «Тиздән яз җитә!» Һәм...февральнең 29нчы көне 4 елга бер генә килү сәбәпле, айның нәкъ менә шушы көнендә туучылар туган көннәрен кайчан һәм ничек билгели икән дигән сорау.

Әлеге сорау татар эстрадасының популяр җырчысы, Татарстанның атказанган артисты Гүзәл Уразованы да бик кызыксындыра икән. Шул уңайдан җырчы үзенең Инстаграм аккаунтында кәбисә елында туучыларны барларга булган. «Арагызда 29 туганнар бармы? Языгыз, үзем котлыйм сезне», – дип яза җырчы.

Димәк, Гүзәл Уразовадан бүләк алыр өчен нәрсә эшләргә кирәк – бары тик 29 февраль көнне туарга!

Автор: А.Галимова

Фото: Инстаграм @guzelurazova