Алла Пугачёваның ире вафат

Кичә кич 76 яшендә режиссер, язучы һәм сценарист, «Женщина, которая поет» фильмы авторы һәм Алла Пугачеваның икенче ире Александр Стефанович вафат булды. Табиблар үлем сәбәбе – COVID–19 инфекциясе, дип фаразлыйлар.

6 июльдә Стефанович журналистлар белән аралашкан, алдан планлаштырылган тикшерүгә яттым, минем белән бар да тәртиптә, дип ышандырган.

Карен Шахназаров режиссер аңа өченче көн реанимациягә күчергәндә шалтыратканын сөйләде. Аның авыр хәлдә булуы тавышыннан ук сизелгән.