22 ноябрьдән кабат чикләүләр!

22 ноябрьдән Татарстанда коронавирус пандемиясенә каршы көрәш буенча яңа чикләү чаралары кертелә. Бу хакта ТР премьер-министры Алексей Песошин имзалаган карарда әйтелә.

18 яшьтән өлкәнрәкләргә җәмәгать транспортыннан QR-код күрсәткәндә генә файдаланып булачак. Тик искәрмә бар. Төбәкара маршрутлар буенча пассажирлар һәм йөк  ташуны гамәлгә ашыручы җиңел такси һәм транспорт чараларына бу кагыйдәләр кагылмый. Шулай ук 22 ноябрьдән QR-кодсыз кешеләргә  автовокзалларда һәм автостанцияләрдә билет сату тыела. 60 яшьтән өлкәнрәк гражданнарның ташламалы транспорт карталары гамәлдән чыгарыла.