Закир Шаһбанга ни булган?

Гөлүсә Шаһбан күп җырларның текст авторы икәнен беләбез инде. Үзе язган шигырьләр белән ул инстаграмында да бүлешә. Гөлүсә ‒ Закир Шаһбанның хатыны.

Шушы көннәрдә ул язган шигырьләре өчен шелтә дә кабул иткән әле. «Синсезлек» дигән шигырен чыгаруга, бер язылучысы «Закирга ни булды, мин белми калдыммы, Гөлүсә. Соңгы шигырьләрдә югалту турында язасыз. Әллә ни. Закирга бар шигырьләрем дигәч әйтәм. Исән-сау булыгыз, парлы күгәрченнәр», дип борчылып язган.

Гөлүсә чираттагы постында шушы язмага җавап итеп, «Бар да тәртип, борчылмагыз», дип тынычландырырга ашыккан.