Минзәлә театры – сезнең районда!

11 апрельдә Камал театры сәхнәсендә Сабир Өметбаев исемендәге Минзәлә дәүләт татар драма театры 5 көнлек гастрольләрен башлап җибәрде. Казан тамашачысына И. Зәйниевнең «Ситса туй» моңсу комедиясе тәкъдим ителде.

Бүген театр коллективы Г. Тукай исемендәге Әтнә татар дәүләт драма театры сәхнәсендә И.Закировның «Ирек һәм читлек» һәм И. Зәйниевнең «Ситса туй» спектакльләрен күрсәтә.

Гастрольләр шушы ук программа белән 13 апрельдә Теләче, 14 апрельдә Мамадыш, 15 апрельдә Кукмара районнары мәдәният йортларында дәвам итәчәк.

Спектакльләргә рәхим итегез!