«Халык коронавирус белән көрәшә, ә сез...»

Узган көнне Салават Фатхетдинов инстаграм сәхифәсендә укучыларына видео аша мөрәҗәгать итте. Биредә җырчы барысын да Галиәсгар Камал исемендәге Татар дәүләт академия театрына чакыра.

«Хөрмәтле дуслар, без бүген Камал театрында. Ютуб каналында театр тормышын күзәтеп барыгыз, милләти мәсьәләләр хакында да сүз алып барырбыз. Аның алып баручысы, минем якын дустым, театрның иң талантлы артисты Искәндәр Хәйруллин... Зал әлегә буш, тик ул кичкә тулачак. Ничә мең татар яшәргә көч алып кайтып китәчәк. Театрны яратыгыз, театр ул яктылыкка илтә, начарга өйрәтми!» – дип хәбәр итә Салават Фәтхетдинов.

Бер караганда, җырчыбыз начар сүз әйтми, ул бары тик халыкны мәдәниятне яратырга гына чакыра. Баксаң, аны дөрес аңламаган укучылары да бар: «Салават абый, бөтен Россия, Татарстан халкы коронавирус белән көрәшә. Ә сез заллар тутырырга җыенасыз. Президентның әмере сезгә кагылмыймы әллә?», дип яза бер ханым.