Гөлназ Асаева: «Менә әкият тә тәмам...»

Гөлназ Асаева инстаграм сәхифәсендә Вилли белән аклы-каралы фотосын урнаштырган һәм «Менә әкият тәмам. Тыңлаучылар молодец» дип фото астына язган. Җырчы ире белән талашканмы әллә?

Инстачылар да Гөлназның әлеге сүзләрен аңламыйча калган. «Нәрсә инде бу?», «Аңламадым, нәрсә булды?», «Аерылышканнар ахры, Элвин Грей гына инде өйләнгән!», дип комментарийлар калдыралар.

Калганнар исә әлеге сүзләрне Гөлназның алдагы постларының азагы буларак кабул иттеләр. Моңа кадәр Гөлназ Вилдан белән ничек танышуы, ни рәвешле очраша башлаганнары турында язган иде.