Айгөл Бариева тирән кайгысы хакында

Узган көнне Татарстанның атказанган артисты Айгөл Бариева инстаграмда утыручы укучылары белән тирән кайгысы белән уртаклашты.

«Кайгылы хәбәр алдым әле генә... Әниемнең бертуган апасы арабыздан китте.. Урының Оҗмахта! Рухың шат булсын, Апам!Җизнәкәебез янына китеп бардың», – дип белдерде ул.

Артистканың укучылары аның кайгысын уртаклаштылар: «Зәрия Абдулловна, минем тәрбияче иде. Без аны бик яраттык. Аның көчле спортив рухын, иртән ясаган зарядкаларын мәңге онытмаячакмын. Урыны җәннәттә булсын».

Хезмәттәшләре дә кушылдылар. 

Әлмәт театры актрисасы, Татарстанның атказанган артисткасы, Мәдинә Гайнуллина: «Кайгыңны уртаклашам, Айгөл. Урыннары оҗмаһ түрләрендә булсын».

Җырчы Алинә Сафиуллина: «Кайгынны уртаклашам, жаныкаем. Урыны оҗмахта булсын!»