«Сәйяр» театр фестиваленә гаризалар кабул итү төгәлләнде (видео)

ТР Мәгариф һәм фән министрлыгы, «Татмедиа» АҖ «Салават күпере» журналы редакциясе» филиалы, «Сәхнә» сәнгать журналы тарафыннан уздырылган «Сәйяр» республика балалар һәм яшүсмерләр театр фестиваленә гаризалар кабул итү төгәлләнде. Конкурста республиканың 42 районы һәм Казан шәһәре районнары катнашты. Бүгенге көндә жюри әгъзалары видеоязмаларны туплап, җентекләп, нигезләмәдә язылганча бәяли башладылар. Барлыгы 506 видеоязма кабул итеп алынды, шуларның 390 видеосы - балалар бакчасыннан, 116 - мәктәпләрдән.

Алда хәбәр ителгәнчә, видеоязмаларны карау дәвам итә. Төгәл районнарга (зоналарга) чыгу көненен хәбәр итәрбез. 

Шунысын да искәртик, фестивальнең гала-концерты 16 ноябрьдә К.Тинчурин исемендәге Татар дәүләт драма һәм комедия театрында булачак.