«Сәйяр» фестиваленең зоналар туры башланды

26 октябрь көнне Казан шәһәре Яңа Савин районының 155 нче татар гимназиясендә «Сәйяр» балалар һәм яшүсмерләр театр фестиваленең зона туры башланды. Бүген жюри әгъзаләре Казан шәһәре, Яшел Үзән һәм Лаеш районныннан килгән мәктәп укучылары катнашкан спектакльләрне бәяли.

Икенче атнадан башлап Татарстан Республикасы Мәгариф һәм фән министрлыгы вәкилләре, «Салават күпере» һәм «Сәхнә» журналлары коллективы әгъзаләре республикабыз районнарына чыгып, балалаларның матур итеп сәхнәләштергән эшләр арасыннан иң уңышлыларын сайлаячак.