Автор автор яңалыклары

КОТЛЫЙБЫЗ! Әлфия Айдарскаяга 100 яшь! Балерина, татар классик балетына нигез салучыларның берсе Әлфия Айдарская 1925 елның 25 маенда легендар татар композиторы Сара Садыйкова һәм күренекле татар режиссёры Газиз Айдарский гаиләсендә туа.

«Хәзинә» милли сәнгать галереясендә Бөек Ватан сугышында Җиңүнең 80 еллыгына багышланган ике күргәзмә ачылды. «Ташка уелган язмышлар” дигән киң колачлы күргәзмә сәнгатьне, тарихны һәм документаль мирасны берләштерә, чорның бербөтен образын тудыра. “Барысы да Җиңү өчен!» дигәне – сугыш елларындагы басма графиканы чагылдырган һәм өч залга урнаштырылган экспозициядән гыйбарәт.

Республикабызның Питрәч районы Шәле авылы егете ул. Бу авыл исә кызыклы шәхесләргә бай. Аеруча театр сәнгатенә Шәле авылы күп талантлар бирде. Россия мөселманнары Диния нәзарәте рәисе Равил хәзрәт Гайнетдин, дин әһеле булып киткәнче, театр училищесен тәмамлаган. Үзе артист, үзе режиссёр Ренат Әюпов милли спектакльләре белән театр сөючеләрнең күңелләрен яулады. Ринат Шәмсетдинов Тинчурин театры сәхнәсендә ут уйната. Язучы Камил Кәримов сәхнәдән берәр юмореска сөйләп җибәрсә, дипломлы артистларны да уздырып бөтен залны эче катканчы көлдерә. Журналист Мәгъсүм Гәрәев Галина Вишневская белән Мстислав Ростропович кебек һәм башка бик күп мәшһүр шәхесләр белән дуслашкан икән, аның да артист халкына хас бер сөйкемле сөяге бардыр. Илнур Нуриевнең исә сөйкемле сөякләре берьюлы икәү, чөнки ул җырлый белүче артист һәм уйный белүче җырчы. Болары кайсы беренче дә, кайсы икенче соң? Илнур Татарстан дәүләт җыр һәм бию ансамблендә җырлый. Мөгаен, җыр – беренче. Аның «Аулак өй», «Туй» җырлы-биюле композицияләрдә килештереп уйнавын күрүчеләр исә, театр беренче, дияргә мөмкин. Сер йомгагын Илнур белән бергәләп чишик әле.

8 апрель көнне «Апуш. Нәниләр» мәктәп-студиясе тәүге премьерасын тәкъдим итте. Тамашачыларга язучы Айгөл Әхмәтгалиева әсәре буенча «Тыз-быз» спектаклен күрсәттеләр. Премьераның Г. Камал исемендәге Татар дәүләт Академия театрының яңа бинасында булуы тарихи вакыйга. Чөнки әлеге бинага сукмакны «Апуш»лыларның нәниләре салды.

Көн дәвамында музейда осталар ярминкәсе, иҗат студиясеннән мастер-класслар, лекцияләр, мультфильм күрсәтү, спектакль-вербатим, күргәзмәләр, җырлар, квест булу көтелә.

27 май 19.00 сәгатьтә Камал театрының зур сәхнәсендә (Татарстан ур.,1) «КАЙТАВАЗ. Илһам Шакиров» дип исемләнгән концерт узачак.

19 май 18:30 сәгатьтә Кариев театры сәхнәсендә мөгаллимә, шагыйрә Илсөяр Шиһапованың «Яратасы килеп тора» кичәсе узачак. Шигырьләр китабын тәкъдир итү кичәсендә Данир Сабиров, Ришат Әхмәдуллин, Сөмбел Билалова, Эльмир Низамов, Гүзәл Сибгатуллина, Әбри Хәбриев, Гөлназ Нәүмәтова, Әлфис Галиуллин, Лилия Камалиева, Зәринә Сафина, Алинә Хәсәнова катнашачак.

Бүген Камал театрында «Аналар улларын көтәләр» спектакле премьерасының 4 нче көне. Спектакльдә Бибисара ролендә Россиянең атказанган, Татарстанның халык артисты, «Дуслык» Ордены иясе, юбиляр Рузия Мотыйгуллина. Спектакль алдыннан Рамил Вәҗиев, Искәндәр Хәйруллин, Рәдиф Галимов һәм Алсу Каюмова яңа бинаның ияләре булып тамаша күрсәттеләр. Фото - Таңсылу Мостафина

“Сәхнә” журналы яшь, сәләтле артистларны даими игътибар үзәгендә тота. Татарстан Республикасы Мәдәният министрлыгының “Тантана” («Триумф») театр премиясен тапшыру чарасында, традиция буенча, махсус бүләк ияләре дә барланды. Буа дәүләт драма театрының «Баязитова» спектаклендә Баязитова роле өчен Руфинә Хәмәтдинова “Сәхнә” журналының махсус бүләк иясе булды. Шул уңайдан яшь артисткага безне кызыксындырган сорауларны юлладык.

Ата-баларыбыз, әни-әбиләребез китергән бу ҖИҢҮНЕ күз карасыдай саклап, онытмыйча, буыннан-буынга тапшырып, аның кыйммәтен һәм мөһимлеген аңлап, кадерләп яшик! ИСӘН ВЕТЕРАННАРЫБЫЗГА ХӨРМӘТ КҮРСӘТЕП, ҮЛГӘННӘР РУХЫНА ДОГА КЫЛЫЙК🎗

Бүген Декабристлар урамында урнашкан «Яшьләр» скверында фронтовик шагыйрь Фатих Кәримгә һәйкәл ачылды.

Камал театрында «Аналар улларын көтәләр» спектакленең пресс-показы узды. Автор Әсхәт Мирзахитов, режиссёр Фәрит Бикчәнтәев. Премьера 8, 9, 10, 11 май көтелә.

22, 23 май 18.30 сәгатьтә К.Тинчурин исемендәге Татар дәүләт драма һәм комедия театры «Бәхет хакы» (Халисә Мөдәррисова) музыкаль мелодрамасы премьерасын (12+) тәкъдим итәчәк. Спектакльнең режиссёры Рамил Фазлыев. Әлеге спектакль – 91 нче театраль сезонның алтынчы премьерасы.

Айның беренче сишәмбесе – 6 нче май көнне – Татарстан Республикасы Милли музеена һәм аның филиалларына бушлай керергә мөмкин!

Иҗат әһелләре арасында гасырга якын гомер кичеп, соңгы елларына кадәр иҗат дәрте белән яшәүчеләр күп түгел. Язучы Гомәр Бәширов «И язмыш, язмыш» повестын 90 яшенә җиткәндә яза, опера җырчысы Мөнирә Булатова ул яшьтә Җиңү бәйрәмнәрендәге тантаналарда чыгыш ясый. Узган ел июль аенда арабыздан киткән танылган композитор Әнвәр Шәрәфиев вафатына ярты ел кала Уфа шәһәренә самолётта килеп, үзе язган «Туган як» симфониеттасын Башкорт дәүләт опера һәм балет театрында беренче тапкыр башкарылуын күрү, ишетү бәхетенә ирешә. Бу турыда Мәскәүнең «Татарский мир» газетасы һәм республика матбугаты да язып чыкты.