Яр Чаллы театры спектакльләрне кичектерергә мәҗбүр

Яр Чаллы татар дәүләт драма театры спектакльләрне кичектерергә мәҗбүр. Бу хакта театр инстаграм аша хәбәр итә.

«Татарстан Республикасы Министрлар Кабинеты санитар-эпидемиягә каршы комиссиясенең 2020 елның 13 мартындагы 19 нчы номерлы «Яңа коронавирус инфекциясен кертүне һәм таратуны киметү буенча өстәмә чаралар турындагы» карары чыгуга бәйле рәвештә хәбәр итәбез:
⠀
Яр Чаллы татар дәүләт драма театрының 2020 елның 15 апреленә кадәр уздырылырга планлаштырылган спектакльләре булмаячак», – дип хәбәрли театр.

Билетларны кайтару инструкциясен театрның инстаграмы аша белеп була. Сылтаманы аста калдырабыз.