Ләйлә Дәүләтова: «Төннәрен йокларга да вакытымны жәлли идем»

Танылган алып баручы һәм талантлы шагыйрә Ләйлә Дәүләтова яңа ел бәйрәмнәрен кызы Гөлмәрьям белән Атлантик диңгез буенда Доминикана республикасында уздырды.

Диңгезнең зәңгәрле-яшелле төсмергә кереп, төрле төстә булуына гаҗәпләнә шагыйрә. «Телевидениедә 20 ел эшләү дәверендә мин бер генә тапкыр да диңгезгә бармадым. Минем өчен диңгез ул – Актаныш, ял итү – ул авылда чүп утау булды. Эшләдем дә эшләдем мин. Шимбә-якшәмбе юк иде... Хәтта төннәрен йокларга да вакытымны жәлли идем. Төне буе җыр язып, сценарий язып утырган чакларым да истә!» – дип искә ала Ләйлә.

Яшь чагында үзе күрә алмаган матурлыкларны кызына күрсәтергә тырыша шагыйрә. Гөлмәрьям исә бик рәхәтләнеп әнисе белән чит ил табигатенә хозурлана.