Яңа әкият!

«Әкият китабы»нда ниләр бар? «Московский» мәдәният үзәгендә шөгыльләнүче «Апуш» студиясе шәкертләре тамашачыларга тәүге иҗат эшләрен – драматург, Татарстанның атказанган артисты Шамил Фәрхетдинов пьесасы буенча чын әкият кануннары буенча сәхнәләштерелгән «Әкият китабы» дип исемләнгән музыкаль спектаклен тәкъдим итә.

Кайда: «Московский» мәдәният үзәге Кайчан: 13 май көнне 

Студиягә балалар 2023 елның ноябреннән йөри, ә тамашага әзерлек февраль аенда башланды. Әкияти куелышта студиягә йөрүче 40 бала да катнаша. «Дөньяда әкиятне яратмаган җан иясе юктыр ул. Ярлысы да, бае да, олысы да, кечесе дә, хәтта безнең Галимҗан хан да әкиятне үлеп ярата». «Әкият китабы» дип аталган тылсымлы тамашабыз нәкъ шушы сүзләр белән башланып китә.