Данир Сабиров: «Сугышып үлегез!»

Популяр артист Данир Сабиров хатын-кызлар игътибарын һәрвакыт тоеп яши. Ул сөекле ир, газиз ул, яраткан әти һәм шәп кияү! Шәп булмаса, тещасын шул кадәр мактар идемени?!

Тормыш иптәше Миләүшәнең әнисен туган көне белән котлый артист. «Тещага берүк күз тидерә күрмәгез. Саклап кына торам. Яратам!» – дип яза Данир үзенең Инстаграм тасмасында.

Котлау сүзләреннән соң, хатынының әнисенә рәхмәтен белдерә артист. «12 елга якын бергә торып, кызың белән сүзгә килсәк тә, мине яклыйсың, аны яманламыйсың», – ди артист. Чыннан да, әни кешеләргә балалар мөнәсәбәтенә артык кысылмыйча, яшь гаилә татулыгын акыллы гына җайлап тора белү – зур талант! Диләрә ханымның балаларына шаяртып әйтергә яраткан фразасы: «Сугышып үлегез!» икән. Чыннан да, мондый сүзләрдән соң үзеннән-үзе тату гына яшисе килә башлыйдыр.

Дуслар, әлбәттә, болар шаярту гына. Диләрә ханымны күркәм бәйрәме белән котлыйбыз. Сәламәтлек һәм матур киләчәк телибез!

Автор: А.Галимова

Фото: Инстаграм @milagrasss555

Посмотреть эту публикацию в Instagram

Әни, рәхмәт барысы өчен дә! Туган көнең белән сине! Тещага беррүк күз тия күрмәсен! Саклап кына торам. Яратам! 12 елга якын бергә торып, кызың белән сүзгә килсәк тә, мине яклыйсың, аны яманламыйсың. Һәм безгә карата иң шәп фразаң: "Сугышып үлегез!" ? #данирсабиров

Публикация от Данир Сабиров (@danir_sabirov87) 22 Дек 2019 в 11:56 PST